الهلال احرف رقيقة ** الهلال كلمات بريقة**للهلال أشعار نسـيقا**الهلال نغمة موسيقى

من طرف **Admin** 2013-09-28, 14:22

الهلال احرف رقيقة
الهلال كلمات بريقة
للهلال أشعار نسـيقا
الهلال نغمة موسيقى

الهلال الحان اغاني
الهلال ليهو التهاني
للهلال اجمل أماني
الهلال تعني التفاني

الهلال بحلف بريدو
الهلال نفداه ونزيدو
الهلال نعشق مريدو
الهلال كايد البكيـدو

الهلال في صدورنا لامع
الهلال ملء المســـــامع
الهلال في النصـر طامع
والبروم للقاه ..... دامع

الهلال أمجــاد وثيرة
الهلال ألعــاب مثيرة
الهلال تاريخ وسيرة
الهلال قائد المسـيرة

الممتاز مضمون هلالي
الأزرق يبـــــــرق يلالي
كم بهناك محتــــاج بلالي
ونحن هلالنـا مكانه عالي

الأزرق مين البصيدو
دايما زايد في رصيدو
ياعشاق معلوم تريدو
ويا كتاب لازم تشيدو

بي مجهود بل بي جدارة
الأزرق قاصد الصـدارة
الأنجـــــم دوم في ودارة
ضاعت قربه وتاه مدارة

حيو وغنو مع هلالي
حيو معاي الصيتو عالي
الأزرق فوق في العلالي
ويسلموا لي فيه اللآلي

المريخ نال الهزيمة
وكورة وفن وابداع وقيمه
وينو الأحمر ووينو ليمه
ووين كتابه من النميمة

حيو هــــلالي وحيو ناسو
اذكروا سانيه الذهبي راسو
كل حارس حافظ مقاســـــو
وابهـر كل الكتبو عاســــو

جد بريدك انا يا هـــــلال
فيك ساحر ...اسـمه الغزال
وفيك مهند ورجله الشـمال
وانت معروف تيم النضـال

جد بريدك وبهــواك شـــديد
ودون مجاملة ذي الرشــيد
فيك رجالا تبني وتشـــــــيد
وليك غنانا واجمل نشـــــيد

الوطن بي نصرك حفل
والشباب يرقص واحتفل
انتر المســـكين نجمه فل
والبروم لي لقاك قد غفل

الهلال مين جنبو بيقيف
سمي بالله وقول يا لطيف
فيه كاكا وقونو اللطيف
وساحره بوي أبو عبد اللطيف

الهـــلال الأســد النتر
الدفاع حاشـــاه الفتر
والهجوم ما صابه العتر
والمعز في المرمى عنتر
وقولي خلوه أسالوا إنتر

للهــــــلال الفائق الجمـــــال
روحنا تفدى ويرخص المال
ليهـــو كل المنى والامـال
وبشة بهجة وروعة وجمال

الهـــــــــــلال للألباب أزاب
للنجيـــــــم قد عزبه عزاب
ضيع اوهاموا مع الســــراب
والاســـود عزفو وغنو راب

بعترف وانا صوتي عالي
بعشــــــق أزرق وما ببالي
تفـداه روحي ويفــداه مالي
وغيره ما بيطــــراه بالي

هلالنا مين زيو
الراقي في زيو
ســــــلام وازيو

هلالنا مين زيك
الراقي في زيك
ســــــلام وازيك

الهلال المارد ابوزرد
شوفو كيف لعدوه ازدرد
كل تيم لاقاه انزرد
سمو بالله وسرعو الرد

الهلال الصعب الوصول
في البطولة اتعود يصول
الفوارس جهرو النصول
وكاكا باصو بيلزمه فصول

انا يوم رأيتك يا هلال جزبتني فيك كل الفنون
انا يوم هويتك يا هلال اغواني اعظم مايكون
انا يوم عشقتك يا هلال صحح هواي من السكون
انا قلبي ملكته القمر وماهمي مين دونه بيكون

الهلال احرف رقيقة الهلال كلمات بريقةللهلال أشعار نسـيقا**الهلال نغمة موسيقى

الهلال احرف رقيقة الهلال كلمات بريقةللهلال أشعار نسـيقا**الهلال نغمة موسيقى