مثلث الرعب ود مجذوب وود البشرى وسوهندا : الليلة الوصيف في دارو أخد اللبعة

استعرض الموضوع السابق استعرض الموضوع التالي اذهب الى الأسفل

مثلث الرعب ود مجذوب وود البشرى وسوهندا : الليلة الوصيف في دارو أخد اللبعة

مُساهمة من طرف Admin في 2017-11-22, 17:33

مثلث الرعب ود مجذوب وود البشرى وسوهندا

الليلة الوصيف في دارو أخد اللبعة
واتعولق كتير طراني زمن السبعة
الخبر الأكيد الجاني حلو الطبعة
انهتك الوصيف في بيتو اصبح ضبعة
# هديل كمال يوسف
عنكبة الحريف ضرب الوصيف
في عز الخريف بهدف عنييف
وجمال سالم المسكين متخيل عنكبة حيقيف
وفجأة الحكم يصفر ويعلن عن هدف نظيف
ويخلي الوصيف لسه شغال نزييف
وتسلم يا عنكبة يا ظريف
# المجادعة الثلاثية
سوهندا :
قرن الشطة قال الضل شبيه البرشا
شفناه إنضرب .. الليله هارش هرشه
الخلا الحروف بي سراع دوام منبرشه
دايما منتكس في إستادو ضايق الدرشه
……
أحمد بشرى :
نجمات الوصيف في إستادا يوووت مندرشة
قدام كل تيم …. صبحت عديل منبرشة
عالمي قالوا كورتك زي…. فريق البرشا
لكن خردة ساااي … محتاج تخش الورشة
…….
أحمد مجذوب :
ايه يعني الجديد النجمة تجي منبرشة
عنكبة في الصميم لفخ الكفر بالطرشة
شكلو من الشعار …واللون سبب في الهرشة
مما يشوفو زولنا …تجيهو حمى وكرشة
………
سوهندا :
فاشر .. اهلي شندي .. والخراب الجاكا
والأمل العنيد … واهدافو في مرماكا
راجييين فوق جمر.. دايرنو نحن لقاكا
للحول كان جريت …… طلق بنستناكا
……
أحمد بشرى :
فاشر … شندي .. لاقيت الامل يوم داكا
جيت كادوقلي … حيرت الجماعة معاكا
ازرق كردفان … في قلعتك …دقاكا
باكر عااااادي تيم ( أمبدة ) … بتحداكا
…….
أحمد مجذوب :
شن جاب الهمر …..يا اخوانا للكراكة
وشن جاب الوصيف لي كورة التيكي تاكا
ديل لسة العيال … والاب اكيد بلقاكا
جاياكا الرعود …. يادابا دي الشكشاكة
……….
سوهندا :
حسون ودكمال … ناس عنكبه وعماري
رزاقو الحريف … خلو الوصيف متواري
عاجبني الهلال … لا غاب ولا متضاري
بعشقو في الصميم في ريدو زاد إصراري
……
أحمد بشرى :
دمعك يا الوصيف … طوااالي نازل وجاري
من ناس ود كمال … لي عنكبة وعماري
شوفو الود فريد … الما بشوت ضفاري
قال الكورة حقتو … والغلب إجبااااري
…….
أحمد مجذوب :
بعد غلب الامل والفاشر المسماري
بعد كادوقلي درن وكان درون اجباري
بعد كل الحصل بكتب واقول مسداري
ما غلطان اذا قام الوصيف سداري
…….
سوهندا :
كم فرق النقاط ؟؟؟ انا ياخ عديل نسايه
بين بدر التمام … ونجيمة العلمايه
الخبر السمعتو …بدون حكايه روايه
دايرين نقطه بس … ونذكرهم شلباية
……..
أحمد بشرى :
ستة الليلة عاد ، فرق النقاط … يا هناية
ستة بسيييطة اصلا … مااا بشوفا كفاية
يا نادي الوصيف … لسة العشم … جوايا
يتواصل نزيفكم … في المباراة …الجاية
…………
أحمد مجذوب :
ست نقاط عديل … يا نجمة يا بكاية
واحسن ليك تفكري في البطولة الجاية
الخبر الاكيد …مصدوق وماهو وشاية
نقطة وحيدة قالو … وتوصل السبعاية
__________

Admin
Admin

عدد المساهمات : 149
تاريخ التسجيل : 26/09/2013

http://hilalii.alafdal.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى